#زنجیره‌ی_جوان_خوێندنه‌وه‌ی_سوره‌تی_الفاتحة به‌شی یانزه‌یه‌م : آمین هه‌رچه‌ند ئامین ئایه‌تێك نییه‌ له‌ سوڕه‌تی الفاتحة به‌ڵام له‌به‌ر ئه‌وه‌ی سوننه‌ته‌ له‌ كۆتایی سوڕه‌ته‌كه‌دا بوه‌ترێت به‌ كورتی باسی ئه‌ویش ده‌كه‌ین : وشه‌ی ئامین واته‌:خوایه‌ وه‌ڵاممان بده‌ره‌وه‌ و دوعامان گیرا بكه‌. وتنی سوننه‌ته‌ له‌پاش فاتیحه‌ له‌ ناو نوثژ و ده‌ره‌وه‌ی نوێژ وبۆ پێشنوێژ و مه‌ئموم ،وه‌كو ابن كثیر فه‌رموویه‌تی: " يُسْتَحَبُّ لِمَنْ قَرَأَ الْفَاتِحَةَ أَنْ يَقُولَ بَعْدَهَا: آمِينَ ... قَالَ أَصْحَابُنَا وَغَيْرُهُمْ: وَيُسْتَحَبُّ ذَلِكَ لِمَنْ هُوَ خَارِجُ الصَّلَاةِ، وَيَتَأَكَّدُ فِي حَقِّ الْمُصَلِّي، وَسَوَاءٌ كَانَ مُنْفَرِدًا أَوْ إِمَامًا أَوْ مَأْمُومًا، وَفِي جَمِيعِ الْأَحْوَالِ " انتهى من "تفسير ابن كثير" (1/ 144-145). وه‌كو حوكمی ته‌جویدی وشه‌كه‌ ده‌كرێت بڵێین: پیتی یه‌كه‌م آ مه‌ددی به‌ده‌لی تێدایه‌ له‌ڕیوایه‌تی حفص كه‌ خۆمان پێی ده‌خوینین ته‌نها دوو حه‌ره‌كه‌ درێژ ده‌كریته‌وه‌ ،به‌ڵام به‌پیی ڕیوایه‌تی وه‌رش له‌ قیرائه‌تی نافع تا شه‌ش حه‌ره‌كه‌ درێژ ده‌كریته‌وه‌! میمه‌كه‌ی كه‌سره‌ی له‌ ژێره‌ ، یائه‌كه‌ش مه‌ددی طبیعي تێدایه‌ دووحه‌ره‌كه‌یه‌ ،به‌ڵام له‌ كاتی ڕاوه‌ستاندا ده‌بیته‌ المد العارض للسكون و شه‌ش حه‌ره‌كه‌ درێژده‌كریته‌وه‌ ، نوونه‌كه‌ش له‌ كۆتاییدا پێویسته‌ إظهار بكرێت ومینگه‌یه‌كی زۆر كورتی تێدایه‌پێی ده‌وترێت غنة أنقص ما تكون. والحمدلله الذي بنعمته تتم الصالحات. إحسان برهان الدین مۆڵه‌ت پێدراو له‌قیرائاتی عه‌شره‌ 2015-10-24 سلێمانی

به‌شی ده‌یه‌م : ولا الضالین ئه‌م دوو وشه‌ به‌شی كۆتاییه‌ له‌ باسكردنی حوكمه‌كانی ته‌جوید له‌ سوڕه‌تی الفاتحة: 1- ولا: پیتی واوه‌كه‌ به‌ناسكی وبچووكی ده‌خوێنرێته‌وه‌ چونكه‌ (مرقق)ه و نابێت به‌مفخم ی واته‌ به‌ قه‌أه‌وی بخوێنرێته‌وه‌، لامه‌كه‌ به‌ هه‌مان شێوه‌ به‌ بچووكی وبه‌ناسكی ده‌خوێنرێته‌وه‌ چونكه‌ ئه‌ویش مرقق ه . 2-الضالین: له‌به‌ر ئه‌وه‌ی ئه‌لیفه‌كه‌ی ئه‌لیفی وه‌صڵه‌و ناخوێنرێته‌وه‌ ، لامه‌كه‌شی شه‌مسیه‌و ناخوێنرێته‌وه‌ ، بۆیه‌ له‌ لامی ولا ڕاسته‌وخۆ ده‌چینه‌ سه‌ر ضادی الضالین و ده‌ڵێین: ولضالین! پیتی ضاد پینێكی زۆر گرانه‌ له‌ ده‌ربڕیندا و بۆ ئه‌وه‌ی ڕاست بخوێنرێنه‌وه‌ پێویسته‌ دوو سیفه‌تی تێدا جێبه‌جێ بكه‌یت: یه‌كه‌م: سیفه‌تی الإستطالة ،كه‌ بریتیه‌ له‌درێژی جێگای ده‌رچوونی یبته‌كه‌ و له‌ مه‌حره‌جی خۆیه‌وه‌ تاكو مه‌خره‌جی پیتی لام درێژ ده‌بێته‌وه‌. دووه‌م: ناسینی شوێنی ده‌رچوونی كه‌ بریتیه‌ له‌ لێواری زمان له‌لای چه‌پ یان له‌لای ڕاستیشه‌وه‌ ده‌بێتبه‌ڵام گرانتره‌ له‌ گه‌ڵ دانه‌كانی سه‌ره‌وه‌ ،هاوكات پێدانی سیفه‌تی ڕه‌خاوه‌ كه‌ ده‌بێته‌ مایه‌ی بیسرانی ده‌نگێكی تایبه‌تبه‌وپیته‌وه‌. خوێنه‌رانزۆرهه‌ڵه‌ له‌ده‌ربڕینی ئه‌م پیته‌ ده‌كه‌ن ، وه‌كو خوێندنه‌وه‌ی به‌: - الظالین:واته‌ له‌مه‌خره‌جی الحروف اللثویة وسه‌ره‌تای زمانیان له‌ كاتی ده‌ربڕینیدا دێته‌ده‌ره‌وه‌ئه‌وه‌ش هه‌ڵه‌یه‌كی ئاشكرایه‌ (لحن جلي). - الدالین:وه‌كو دالێكی قه‌ڵه‌و ده‌یخوێننه‌وه‌ ئه‌وه‌ش هه‌ڵه‌یه‌. - یان وه‌كو پیتێكی نێكه‌ڵ له‌ نێوان زای و ظاء وه‌كو ئه‌وه‌ی له‌زمانی كوردیدا بۆنموونه‌ وشه‌ی ضابط یان ناوی كاظم ده‌رده‌بڕدریت! - الزالین: هه‌ڵه‌یه‌كی ئاشكرایه‌ - الطالین: ده‌ركردنی له‌ مه‌خره‌جی الحروف النطعیة ئه‌وه‌ش هه‌ر هه‌ڵه‌یه‌كی ئاشكرایه‌. -ئه‌لیفه‌كه‌ یه‌كێكه‌ له‌ پیته‌كانی مه‌دد ، له‌به‌ر ئه‌وه‌ش ساكینێكی صحیح ی به‌ دوادا هاتووه‌ كه‌ لامی یه‌كه‌می لامه‌ شه‌دداره‌كه‌یه‌ ، كه‌واته‌ مه‌ددێكی درێژی شه‌شه جووڵه‌ییمان بۆ درووست ده‌بێت كه‌ پێی ده‌وترێت (المد اللازم الكلمي المثقل). نێبینی: لامه‌كه‌ی بریتیه‌ له‌ دوو لام یه‌كه‌میان ساكینه‌ ودووه‌میان فه‌تحه‌ی له‌سه‌ره‌. پیتی یائی پێش كۆتایی بریتیه‌ له‌ مه‌ددێكی طبیعي دوو حه‌ۆه‌كه‌ی پێده‌درێت، به‌ڵام به‌ هۆی ڕاوه‌ستانه‌وه‌ ده‌بێته‌ المد العارض للسكون و تا شه‌ش حه‌ره‌كه‌ جائیزه‌ درێژكرێته‌وه‌. نوونی كۆتایی به‌سروشتی خۆی مینگه‌یه‌كی تیدایه‌ له‌به‌ر لێره‌ له‌به‌ر ئه‌وه‌ی ساكینه‌زۆربه‌كورتی ده‌ریده‌بڕین ئه‌وه‌نده‌ی كه‌پیته‌كه‌ببیسترێت وله‌نێو نه‌چێت. تێبینی: ناكرێت وشه‌یه‌كی گرانی وه‌كو ولا الضالین ، به‌ڵكو ته‌جوید به‌گشتی به‌ بێمامۆستا كه‌سێك بتوانێت له‌ خۆیه‌وه‌ فێری ببێت. والحمدلله رب العالمین. إحسان برهان الدین مۆڵه‌ت پێدراو له‌قیرائاتی عه‌شره‌ 2015-10-24 سلێمانی

به‌شی نۆیه‌م : غیر المغضوب علیهم له‌م به‌شه‌دا ته‌نها باسی ئه‌م سێ وشه‌ ده‌كه‌ین له‌ ڕووی ئاشنابوون به‌ حوكمه‌كانی ته‌جویده‌وه‌: 1- غیر: پیتی غ پیتێكی به‌رزه‌ له‌ پیته‌كانی (خص ضغط قظ) ه ، زۆر له‌ خوێنه‌ران به‌ هۆی نزمیی پیتی یاء له‌ دوای خۆیه‌وه‌ نزمی ده‌كه‌نه‌وه‌ ئه‌وه‌ش هه‌ڵه‌یه‌كی نادیاره‌ پێی ده‌وترێت (لحن خفي) یائه‌كه‌ ساكینه‌ له‌ناوه‌ڕاستی ناوده‌مه‌وه‌ ده‌رده‌چێت هاوكات پیتێكه‌ له‌پیته‌كانی مد اللین و له‌ كاتی ڕاوه‌ستان له‌سه‌ر پیتی غیر تا شه‌ش جوڵه‌ درێژده‌كرێته‌وه‌. 2- المغضوب: سه‌ره‌تا گرنگه‌ هه‌مزه‌كه‌ به‌ محقق ی بخوێنرێته‌وه‌ ، لامه‌كه‌ قه‌مه‌ریه‌ و ده‌خوێنرێته‌وه‌ وبۆ ماوه‌یه‌كی زۆركه‌م ده‌بێت له‌سه‌ری ڕاوه‌ستیت بۆ ئه‌وه‌ی سیفه‌تی التوسط ی تێدا جێبه‌جێ بكه‌یت وقه‌لقه‌له‌ نه‌كرێت ، میمه‌كه‌ پیتێكی نزمه‌ وریا ده‌بین به‌ هۆی پیتی ضادی پاش خۆی كه‌ به‌رزه‌ ئه‌ویش به‌رز نه‌بێته‌وه‌ ، خوێنه‌ران له‌ ده‌ربڕینی پیتی ضاده‌كه‌ ده‌كه‌ونه‌ هه‌ڵه‌ی جۆراوجۆره‌وه‌ ، هه‌یانه‌ به‌ زای ده‌یخوێنێته‌وه‌ (المغزوب) .هه‌یانه‌به‌ دال ده‌یخوێنێته‌وه‌ (المغدوب) هه‌یانه‌ به‌ لامی قه‌ڵه‌و ده‌یخوێننه‌وه‌ (المغلوب)یان به‌هه‌ر شێوازێكی ترهه‌ڵه‌یه‌ جگه‌ له‌ پیتی ضادی هاوشێوه‌ی صاد كه‌ (أخت الصاد)ی پێ ده‌وترێت. 3- علیهم: جه‌خت ده‌كرێته‌وه‌ له‌سه‌ر ده‌ركردنی پیتی عه‌ین له‌ جێگای ده‌رچوونی خۆیه‌وه‌ له‌ قوڵایی گه‌روو ، وریاش ده‌بین به‌پیتی ح نه‌بگۆڕین چونكه‌ مه‌خره‌جیان له‌یه‌كتره‌وه‌ نزیكه‌ ، پیتی یاء مه‌ددی لینه‌ چونكه‌ خۆی ساكینه‌ وپێش خۆیشی پیتێكی فه‌تحه‌داره‌ ، به‌ڵام لێره‌له‌به‌ر ئه‌وه‌ی كه‌وتووه‌ته‌ نوه‌ڕاستی وشه‌ كاریگه‌رییه‌كی وتی نیه‌ ، پیتی ها پێویسته‌ ته‌حقبقی بكه‌ین وله‌ جێگه‌ی ڕاستی خۆیه‌وه‌ ده‌ریبكه‌ین و نیگۆڕین بۆ هیچ پیتێكی تر ، له‌ كۆتاییشدا پیتی میم پێویسته‌ ئه‌و مینگه‌ زۆر كه‌مه‌ی كه‌ نێیدایه‌ ده‌ریبڕین بۆ ئه‌وه‌ی بیستراو بێت و پێی ده‌وترێت غنة أنقص ما تكون..والحمدلله رب العالمین. إحسان برهان الدین مۆڵه‌ت پێدراو له‌قیرائاتی عه‌شره‌ 2015-10-22سلێمانی

به‌شی هه‌شته‌م : صراط الذین أنعمت علیهم 1- وشه‌ی صراط: پێویسته‌ ڕه‌چاوی ئه‌وه‌بكه‌یت پیتی صاد له‌ سه‌ره‌تاكه‌ی پیتێكی به‌رزه‌ هه‌رچه‌ند كه‌سره‌شی له‌ ژێره‌ ، بۆیه‌ له‌وه‌ خۆمان ده‌پاریزین بیگۆڕین بۆ پیتی س وبه‌ سراط یان سرات نه‌یخوێنینه‌وه‌! ئه‌لیقه‌كه‌شی پیتێكی مه‌ددیه‌ واته‌ دووحه‌ره‌كه‌درێژ ده‌كرێته‌وه‌ نه‌ك زیاتر مه‌گه‌ر له‌كاتێكدا له‌سه‌ر وشه‌كه‌ ڕاوه‌ستیت كه‌خۆی جێگای ڕاوه‌ستانیش نییه‌ ئه‌و كاته‌ ده‌بێته‌ وقف عارض للسكون. پیتی ط له‌كۆتایی وشه‌كه‌ یه‌كێكه‌ له‌پیته‌كانی استعلاء وپێویسته‌ به‌به‌رزی وبه‌قه‌ڵه‌وی ده‌ریبڕیننه‌كبه‌ناسكی وه‌كو پیتی تا. 2- الذین: وریا ئه‌بیت له‌ كاتی ده‌رچوون له‌ پیتی ط له‌ الصراط و خوێندنه‌وه‌ی الذین لامه‌كه‌ی قه‌ڵه‌ونه‌كه‌یته‌وه‌ زورێك له‌ خوێنه‌ران وپێشنوێژان ئه‌وهه‌ڵه‌ ئه‌نجام ده‌ده‌ن هۆكاریشی به‌رزی وگه‌وره‌یی پیتی طائه‌ كاریگه‌ری ده‌خاته‌ سه‌ر لامه‌كه‌ ،پیتی ذ پێویسته‌ زۆر وریای بین له‌ مه‌خره‌جی خۆیه‌وه‌ له‌سه‌ره‌تای زمانه‌وه‌ ده‌ریبكه‌ین وسیفه‌تی نه‌رمی الرخاوه‌ ی پێ بده‌ین ونه‌هێڵین ببێته‌ (الزین) زۆر له‌خوێنه‌ران ئه‌و هه‌ڵه‌ ئه‌نجام ئه‌ده‌ن ئه‌وه‌ش جائیز نییه‌ پێی ده‌وترێت (لحن جلي) واته‌:هه‌ڵه‌ی ئاشكرا ، پیتي یا له‌ الذین مه‌ددیه‌و دوو حه‌ره‌كه‌ی پێ ده‌درێت نه‌ك زیاتر !مه‌گه‌ر له‌كاتی ڕاوه‌ستان له‌سه‌ری ئه‌و كاته‌ تاكو شه‌ش حه‌ره‌كه‌ ده‌كرێت درێژبكرێته‌وه‌ چونكه‌ ده‌بێته‌ المد العارض للسكون. 4- أنعمت: هه‌مزه‌كه‌ی هه‌مزه‌ی دابڕانه‌ وده‌خوێنرێته‌وه‌ ئه‌گه‌ر بدرێته‌ ده‌م پیتی پێش خۆیه‌وه‌ ، هه‌ردوو پیتی نون ومیم له‌وشه‌كه‌ سیفه‌تێكیان تێدایه‌ پێی ده‌وترێت البینیة یان التوسط واته‌ نه‌ ڕخو ونه‌ شدة ن ،جا یه‌ك زه‌مه‌نیان هه‌یه‌ بۆ ده‌ربڕین پێویسته‌ ئه‌ومافه‌یان ڕه‌چاو بكرێت ، له‌ قه‌لقه‌له‌ كردنیشیان پێویسته‌ خوێنه‌ر زۆر وریا بێت زۆرێك له‌ خوێنه‌ران ئه‌و هه‌ڵه‌ ئه‌نجام ئه‌ده‌ن وه‌كو ئه‌وه‌ی فه‌تحه‌یه‌كی له‌سه‌ر بێت ده‌یخوێنێته‌وه‌! 5- علیهم: پیتی عه‌ین له‌مه‌خره‌جی خۆیه‌وه‌له‌قوڵاوی قوڕگه‌وه‌ پێویسته‌ده‌ربكرێت ، یائه‌كه‌ له‌به‌ر ئه‌وه‌ی ساكینه‌و پیتی پێش خۆی فه‌تحه‌داره‌ پێویسته‌ ڕه‌چاوی ئه‌وه‌بكرێت ، سه‌باره‌ت به‌ پیتی ها گرنگه‌كه‌سره‌كه‌ی ده‌ربڕین و نه‌یكه‌ینه‌ یا ،چونكه‌ كه‌سره‌ درێژ بكرێته‌وه‌ ده‌بێته‌ یا پێچه‌وتنه‌كه‌ش ڕاسته‌!پیتی میمیش له‌ كۆتایی وشه‌كه‌ إظهار ده‌كرێت له‌ بنه‌ڕه‌تیشدا مینگه‌یه‌كی زۆر كورتی تێدایه‌ ئه‌گه‌رئه‌ندامی نه‌ده‌یت پیته‌كه‌بیستراو نابێت. والحمد لله الذي بنعمته تتم الصالحات. إحسان برهان الدین مۆڵه‌ت پێدراو له‌قیرائاتی عه‌شره‌ 2015-10-22سلێمانی

به‌شی حه‌وته‌م : إهدنا الصراط المستقیم له‌م ئایه‌ته‌دا له‌ سوڕه‌تی الفاتحة چه‌ند ڕاوه‌ستانێكمان ده‌بێت : 1- ته‌حقیقی ده‌ربڕینی هه‌مزه‌كه‌ زۆر گرنگه‌ له‌ مه‌خره‌جی خۆیه‌وه‌ بێت و له‌ گه‌ڵ پیتی ها تێكه‌ڵ نه‌كرێت چونكه‌ مه‌خره‌كانیان زۆر نزیكن لی یه‌كتره‌وه‌ ، هه‌یه‌ وه‌كو(ایدنا) ‌یان (یهدنا) ده‌یخوێنێته‌وه‌ ئه‌وه‌ش هه‌ڵه‌یه‌كی جليپێی ده‌وترێت ، ئینجا كه‌سه‌ره‌ی داله‌كه‌ پێویسته‌ به‌ جوانی بخووونرێته‌وه‌ واته‌ اختلاس نه‌كرێت . 2- له‌ نونی إهدنا ڕاسته‌وخۆ ده‌چینه‌ سه‌ر صادی الصراط به‌م شێوه‌ (إهدنصراط) چونكه‌ی هه‌مزه‌كه‌ی هه‌مزه‌ی وصل ه‌ و لامه‌كه‌شی شه‌مسیه‌ ناخوێنرێته‌وه‌ ، خوێنه‌ران به‌هه‌ڵه‌ صاده‌كه‌ ده‌كه‌نه‌ سین واته‌: السراط یان ده‌یكه‌نه‌ السرات ئه‌وه‌ش هه‌ڵه‌یه‌..پیتی ڕا له‌ الصراط مفخم ه پێویسته‌ به‌قه‌ڵه‌وی بخوێنرێته‌وه‌ ، ئه‌لیفه‌كه‌شی مه‌ددێكی طبیعي تێدایه‌ نابێت له‌ دوو حه‌ره‌كه‌ زیاتر درێژ بكرێته‌وه‌ ، زۆر له‌ خوێنه‌ران ده‌كه‌ونه‌ هه‌ڵه‌ی درێژكردنه‌وه‌ی بۆ زیاتر له‌ دوو حه‌ره‌كه‌، ئینجا پیتی ط به‌ به‌رزی و گه‌وره‌یی ده‌ركرێت و نه‌كرێته‌ پیتی ت . 3- المستقیم: سه‌ره‌تا ته‌حقیقی هه‌مزه‌كه‌ ئه‌وه‌ زۆر گرنگه‌ ، ئینجا لامه‌كه‌ قه‌مه‌ریه‌ و به‌ جوانی و سیفه‌تی مامناوه‌ندییه‌وه‌ ده‌خوێنرێته‌وه‌ چونكه‌ یه‌كێكه‌ له‌ پیته‌كانی (لن عمر) ، ئینجا پێویسته‌ گرنگی بده‌ینه‌ بۆری سه‌ر میمه‌كه‌ ، ئینجا سیفه‌تی الصفیر لی سینه‌كه‌ له‌ بیر نه‌كه‌ین ئه‌وه‌ زۆر گرنگه‌ ، له‌وه‌ش وریا ئه‌بین پیتی ت بگۆڕین بۆ پیتی ط واته‌ نه‌بێته‌ (المسطقیم) ، پیتی قاف یه‌كێكه‌ له‌پیته‌كانی الاستعلاء واته‌:پیته‌به‌رزه‌كان به‌ڵام لێره‌ كه‌سره‌ی هه‌یه‌ و نزمترین پله‌كانی به‌رزیدایه‌ ،به‌ڵام هه‌ربه‌رزه‌ بۆیه‌كاریگه‌ری ده‌خاته‌سه‌ر پیته‌كانی پێش خۆی ووه‌كو وتم جاری واهه‌یه‌ خوێنه‌ر به‌ (المصطقیم) ده‌یخوێنێته‌وه‌.والحمد لله رب العالمبن. إحسان برهان الدین مۆڵه‌ت پێدراو له‌قیرائاتی عه‌شره‌ 2015-10-22سلێمانی

به‌شی شه‌شه‌م : إياك نعبد و إياك نستعين له‌م به‌شه‌ی ڕوونكردنوه‌ی سوڕه‌تی الفاتحة له‌ ڕووی حوكمه‌كانی ته‌جویده‌وه‌ ، باسی حوكمه‌كانی جوانخوێندنه‌وه‌ی ئایه‌تی (إیاك نعبد وإیاك نستعین ) ده‌كه‌ین وبه‌ یارمه‌تی په‌روه‌ردگار ده‌ڵێین: 1- إیاك: پێویسته‌ هه‌مزه‌كه‌ی به‌ محقق ی لی جێگه‌ی ده‌رچوونی خۆیه‌وه‌ له‌ ئه‌وپه‌ڕی قوڕگه‌وه‌ده‌ركرێت. ئینجا بزانیت كه‌پیتی یاء شه‌دداره‌ واته‌: دوو یائه‌ ، ساكن و مفتوح ، بۆیه‌ به‌جوانی شه‌دده‌كه‌ی ده‌رده‌بڕین و له‌وه‌ خۆمان ده‌پارێزین بێ شه‌دده‌ وه‌كویائێكی فه‌تحه‌دار بیخوێنینه‌وه‌ ، یان مط بكرێت واته‌: زیادله‌ ئاستی خۆی درێژ نه‌كرێته‌وه‌. ئه‌لیفه‌كه‌ش پیتێكی مه‌ددیه‌ دوو جووڵه‌ زیاتری پێ نادرێت مه‌گه‌ر له‌حاڵه‌تێكدا له‌سه‌رپیته‌كه‌ بوه‌ستین ئه‌وه‌ ده‌بێنه‌ االمد العارض للسكون. 2- نعبد : پینی عه‌ین سیفه‌تی التوسط ی تێدایه‌ واته‌: پیتێكی مام ناوه‌ندییه‌ له‌ نێوان الرخاوة و الشدة دا ، بۆیه‌ بۆساتێكی زۆر كه‌م له‌سه‌ری ڕاده‌وه‌ستین وله‌ قه‌لقه‌له‌ كردنی ودرێژكردنه‌وه‌ی زیاد له‌ئاستی خۆی خۆمان ده‌پارێزین. بۆری بائه‌كه‌ به‌جوانی ده‌رده‌كه‌ین ، هه‌روه‌ها بۆری داله‌كه‌ش ‌وریا ئه‌بین له‌درێژكردنه‌وه‌ی بۆئه‌وه‌ی نه‌بێته‌: نعبدو. 3-إیاك ی دووه‌م وه‌كو إیاك ی یه‌كه‌مه‌. 4- پیته‌كانی نستعین هه‌مووی مستفل ن واته‌: نزمن و پێویسته‌ قه‌ڵه‌و نه‌خوێنرێنه‌وه‌ ، سینه‌كه‌ ده‌نگێكی تایبه‌تی تیژی ‌تێدایه‌ وه‌كو ده‌نگی كولله‌ صفیر ی پێده‌وترێت ، ئه‌گه‌رئه‌وسینه‌ به‌ هه‌ڵه‌ قه‌ڵه‌وبكرێته‌وه‌ ئیترتائه‌كه‌ی پاش حۆیشی وه‌كو پیتی ط ده‌رده‌چێت . والحمد لله الذي بنعمته تتم الصالحات. إحسان برهان الدین مۆڵه‌تپێدراوله‌قیرائاتی عه‌شره‌ 2015-10-22سلێمانی

ئه‌ڵقه‌ی پێنجه‌م : ملك یوم الدین سه‌باره‌ت به‌ حوكمه‌ ته‌جویدییه‌كانی ئه‌م ئایه‌ته‌ له‌سوڕه‌تی الفاتحة ، ده‌ڵێین: 1- ملك : سه‌ره‌تا وه‌كو وشه‌ به‌و شێوه‌ له‌ موسحه‌فدا ده‌نووسرێت به‌ڵام به‌ پێی ڕیوایه‌تی حفص به‌ مالك ده‌خوێنرێته‌وه‌. 2- پیتی ئه‌لیف له‌ وشه‌كه‌دا مه‌ددێكی طبیعي تێدایه‌ و ته‌نها دوو جووڵه‌ درێژ ده‌كرێته‌وه‌ نه‌ك زیاتر ، گرنگه‌ بایه‌خ بدرێته‌ ده‌رخستنی كه‌سره‌ی لامه‌كه‌ نه‌وه‌كاختلاس بكرێت ، له‌وه‌ش گرنگتر كه‌سره‌ی كافی وشه‌ی مالك ه درێژ نه‌كرێته‌وه‌ چونكه‌ واتاكه‌ ده‌شێوێنێ له‌ یه‌ك مالیكه‌وه‌ ده‌بیته‌ چه‌ندین مالیك والعیاذ بالله ، بۆیه‌ پێویسته‌ ئه‌و كه‌سره‌ به‌ هیچ شێوه‌یه‌ك له‌ حه‌ددی خۆی زیاتر درێژ نه‌كرێته‌وه‌. یوم: یائی سه‌ره‌تا دیاره‌ كه‌ مه‌ددی نییه‌ چونكه‌ ساكن نییه‌ به‌ ئاسایی له‌ مه‌خره‌جی خۆیه‌وه‌ ده‌ریده‌بڕین ، واوه‌كه‌ مه‌ددی لینه‌ چونكه‌ خۆی ساكینه‌و پیتی پێش خۆی مه‌فتوحه‌، به‌ڵام له‌ حاڵه‌تێكدا ئه‌گه‌ر له‌سه‌ر وشه‌كه‌ ڕاوه‌ستاین ، ئه‌گه‌ر نا مه‌ددی تێدا نییه‌ ، له‌ میمی یوم وریای كه‌سره‌كه‌ی ده‌بین اختلاس نه‌بێت و به‌ جوانی ده‌ریبڕین . 3-یوم: له‌ میمی كۆتایی یوم ، یه‌كسه‌ر ده‌چینه‌ سه‌ر خویندنه‌وه‌ی پیتی دال له‌ وشه‌ی الدین چونكه‌ لامی وشه‌ی الدین شه‌مسیه‌ و ناخوێنرێته‌وه‌ بۆیه‌ وه‌كو ئه‌وه‌ی به‌م شێوه‌ بێت ده‌یخوێنیته‌وه‌:(یومدین). پیتی دال: شه‌دداره‌ واته‌: دوو داله‌ یه‌كه‌میان ساكینه‌ ودووه‌میان مه‌فتوحه‌ ، یائی وشه‌ی الدین یائێكی مه‌ددیه‌ و دوو حه‌ره‌كه‌ درێژكردنه‌وه‌ی تێدایه‌ ، به‌ڵام به‌ هۆی ڕاوه‌ستانه‌وه‌ كه‌ پێی ده‌وترێت المد العارض للسكون تاكو شه‌ش حه‌ره‌كه‌ش خوێنه‌ر ده‌توانێت درێژی بكاته‌وه‌ . پیتی نون له‌ وشه‌ی الدین مینگه‌یه‌كی زۆر كورتی تێدایه‌ پێی ده‌وترێت( أنقص ما تكون) بۆ ئه‌وه‌ی له‌ كاتی خوێندنه‌وه‌ ببیسرێت .والحمد لله رب العالمین. إحسان برهان الدین مۆڵه‌ت پێدراول قیرائاتی عه‌شره‌ 2015-10-21 سلێمانی

ئه‌ڵقه‌ی چواره‌م:الرحمن الرحیم له‌م ئایه‌ته‌ پیرۆزه‌ی سوڕه‌تی الفاتحه‌ به‌ كورتی له‌سه‌ر چه‌ند حوكم و تێبینیه‌ك جه‌خت ده‌كه‌ینه‌وه‌: 1- الرحمن: هه‌مزه‌كه‌ی به‌ نزمی له‌ مه‌خره‌جی خۆیه‌وه‌ ده‌ر ده‌كه‌ین ، به‌ جوانی ته‌حقیقی ده‌كه‌ین ، چونكه‌ زۆر له‌ خوێنه‌وان وه‌كو ئا ده‌یخوێننه‌وه‌ نه‌ك وه‌كو هه‌مزه‌ ء. لامه‌كه‌ پێی ده‌وترێت لامی شه‌مسی واته‌: ناخوێنرێته‌وه‌ ، وه‌كو ئه‌وه‌ی وا بێت:(أرحمن) ، له‌ پیتی ڕائه‌كه‌شی زۆر وریای ته‌كرار ده‌بین واته‌ له‌ جیاتی یه‌ك ڕا چه‌ند ڕائێك ده‌رنه‌چێت به‌م شێوه‌: الررررحمن. هوكات ڕائه‌كه‌ به‌ گه‌وره‌یی و به‌ قه‌ڵه‌وی ده‌ریده‌بڕێن چونكه‌ به‌ هۆی فه‌تحه‌كه‌وه‌ مفخم ه‌ و هه‌ڵه‌یه‌ به‌ ناسكی ده‌ریبڕین ، پێش نونی كۆتایی ئه‌لیفێكی مه‌ددی مان هه‌یه‌ پێویسته‌ ته‌نها دوو جووڵه‌ی پێ بده‌ین نه‌ك زیاتر مه‌ددی طبیعي پێ ده‌وترێت ، به‌ڵام ئه‌گه‌ر له‌سه‌ری ڕاوه‌ستاین ده‌كرێت تا شه‌ش جووڵه‌ش درێژ بكرێته‌وه‌. 2- الرحیم: بۆ هه‌مزه‌كه‌ ولامه‌كه‌ هه‌مان حوكمی هه‌مزه‌و لامی الرحمن ی تێداییه‌ ، پیتی (ح) كه‌سره‌كه‌ی به‌ جوانی ده‌رده‌خه‌ین ،وریاش ده‌بین نه‌یگۆڕین بۆ پیتی (ع) یان هیچ پیتێكی تر ، یائه‌كه‌: پیتێكی مه‌ددیه‌ ، له‌به‌ر ئه‌وه‌ی خۆی ساكینه‌ی پیتی پێش خۆیشی كه‌سره‌ی هه‌یه‌ ، دوو جووڵه‌ی تێدایه‌ به‌ڵام ئه‌گه‌ر له‌سه‌ری ڕاوه‌ستاین تا شه‌ش جووڵه‌ جائیزه‌ درێژ بكرێته‌وه‌ ، پیتی میم له‌ كۆتایی وشه‌كه‌ ، غونه‌یه‌كی زۆر كورتی تێدایه‌ پێی ده‌وترێت (غنة أنقص ماتكون) پێویسته‌ ده‌ربخرێت بۆ ئه‌وه‌ی بیسه‌ر به‌ جوانی بیبیسێت ئه‌گینا له‌ نیو ده‌چێت به‌ الرحي ده‌بیسرێت. ئه‌مه‌ش وه‌كو تاقیكردنه‌وه‌ ئه‌مجاره‌یان مه‌له‌فێكی ده‌نگیشم له‌ گه‌ڵ بابه‌ته‌ نووسراوه‌كه‌ داناوه‌ هیوادارم هه‌ر تێبینیه‌كتان هه‌بوو له‌ ڕووی ڕوواڵه‌تی و ناوه‌ڕۆكه‌وه‌ ئاگه‌دارم بكه‌ن چونكه‌ بۆ ئێوه‌یه‌ له‌ كۆتاییدا ،له‌م به‌رنامه‌ باشتریشم ده‌ستنه‌كه‌وت بۆ به‌رز كردنه‌وه‌ی بابه‌تی ده‌نگیی: http://www29.zippyshare.com/v/4fGx65Mu/file.html والحمد لله رب العالمین. إحسان برهان الدین مۆڵه‌ت پێدراو له‌ قیرائاتی عه‌شره‌ 2015-1021 سلێمانی

ئه‌ڵقه‌ی سێیه‌م :الحمد لله رب العالمین 1- الحمد: سه‌ره‌تا پێویسته‌ هه‌وڵ بده‌ین هه‌مزه‌كه‌ به‌ نزمی به‌ بچووكی و به‌ بێ قه‌ڵه‌و كردن ده‌ربڕین ،ئینجا پیتی لام پیتێكه‌ سیفه‌تی مام ناوه‌ندی تێدایه‌ له‌ پیته‌كانی (لن عمر)ی پێ ده‌وترێت ، واته‌ بۆ ماوه‌یه‌كی زۆر كه‌م له‌سه‌ری ده‌وه‌ستین تاكو ئه‌و مافه‌ی پێ بده‌ین ، یه‌كێك له‌و هه‌ڵانه‌ی خوێنه‌رن له‌ ده‌ربڕینی ئه‌م پیته‌ ده‌یكه‌ن ئه‌وه‌یه‌ قه‌لقه‌له‌ی ده‌كه‌ن ئه‌وه‌ش جائیز نییه‌ ، دوایی له‌ پیتی (ح) وریا ده‌بیت وه‌كو خۆی به‌ جوانی ده‌ریبڕیت و نه‌یگۆڕیت بۆ پیتیكی تر وه‌كو پیتی (ع) بۆ نموونه‌، سه‌باره‌ت به‌ پیتی میم له‌ وشه‌كه‌ پیویسته‌ هه‌مان كاتی پیتی لام له‌سه‌ری بوه‌ستی و قه‌لقه‌له‌ی نه‌كه‌یت چونكه‌ ئه‌وه‌ هه‌ڵه‌یه‌كه‌ زۆر له‌ خوێنه‌ران تێی ده‌كه‌ون به‌ هۆی نه‌وه‌ستانیان له‌سه‌ری بۆ ماموه‌یه‌كی زۆر كه‌م.. هه‌ڵه‌یه‌كی تر هه‌یه‌ زۆرێك له‌ خوێنه‌ران ئه‌نجامی ئه‌ده‌ن ئه‌ویش ئه‌وه‌یه‌ ضمة (بۆر)ی داله‌كه‌ وه‌كو واو ده‌خوێننه‌وه‌ به‌م شێوه‌ی لێ دێت: (الحمدو) ئه‌وه‌ش جائیز نییه‌ و هه‌ڵه‌یه‌كی ئاشكرایه‌ كه‌ لای زانایان به‌ (اللحن الجلي) ناوده‌برێت. 2-لله:له‌به‌ر ئه‌وه‌ی پیتی لام له‌سه‌ره‌تای ناوی مه‌زنی الله كه‌سره‌ی هه‌یه‌ كواته‌ به‌ ناسكی ده‌یحوێنینه‌وه‌ ، دووباره‌ده‌ڵێم وریای ئه‌وه‌ ده‌بین لامه‌كه‌ی له‌ پێویست زیاتر درێژی نه‌كه‌ینه‌وه‌ چونكه‌ده‌بێته‌ (مط)وئه‌وه‌ش وه‌كو ابن الجزري فه‌رموویه‌تی جائیزنییه‌، ئه‌لیفه‌كه‌شی نابێت له‌ دووجووڵه‌ زیاتر درێژ بكرێته‌وه‌ كه‌ مد طبیعي پێ ده‌وترێت ، به‌ڵام ئه‌گه‌ر له‌سه‌ری ڕاوه‌ستاین له‌و حاڵه‌ته‌ ده‌توانین 2 یان 4 یان 6 جووڵه‌ درێژی بكه‌ینه‌وه‌ چونكه‌ ده‌بێته‌ مدعارض للسكون . زۆر گرنگه‌ پیتی هائه‌كه‌شی به‌ جوانی ده‌ربڕین ،چونكه‌ زۆر جار خوێنه‌ران قووتی ئه‌ده‌ن! یان ده‌یگۆڕن بۆ پیتی یاء ئه‌وه‌ش جائیز نییه‌. 3- رب: پێش هه‌مووشتێك پێویسته‌ ڕائه‌كه‌ به‌ مفخم ی ده‌ربڕین و قه‌ڵه‌وی بكه‌ین چونكه‌ فه‌تحه‌ی له‌سه‌ره‌ ، نابێت به‌ناسكی بخوێنرێته‌وه‌ ، بائه‌كه‌شی پێویسته‌ سیفه‌تی شیدده‌ی تێدا جێگیر بكه‌ین ونه‌یه‌ڵین هه‌وا له‌گه‌ڵ ده‌ربڕینیدا بێت و بڕوات، ئه‌گینا وه‌كو پیتی (پ) ی كوردی ده‌بیسترێت. 4- له‌ كاتی به‌ یه‌كگه‌یاندانی رب له‌ گه‌ڵ العالمین وریای كه‌سره‌ی وشه‌ی رب ده‌بین قووت نه‌درێت واختلاس نه‌كرێت ، هاوكات درێژیش نه‌كرێته‌وه‌ ببێته‌ یاء، ئه‌مه‌ تێبینیه‌كی زۆر گرنگه‌. 5- العالمین: هه‌مزه‌كه‌ به‌ جوانی پێویسته‌ ده‌ربڕین له‌ مه‌خره‌جی خۆیه‌وه‌ له‌ (أقصی لحلق)ه‌وه‌ . لامه‌كه‌ی قه‌مه‌ریه‌ زۆر وریا ده‌بین قه‌لقه‌له‌ی نه‌كه‌ین به‌ڵكو بۆ ماوه‌یه‌كی زۆر كه‌م له‌سه‌ری بوه‌ستین بۆ ئه‌وه‌ی مافی (توسط)ه‌كه‌ی پێبده‌ین ،پیتی عه‌ین وه‌كو خۆی به‌جوانی ده‌ریده‌بڕین و نایگۆڕین بۆ هیچ پیتێكی تر وه‌كو (ح ) بۆ نموونه‌. پاشان ئه‌لیفه‌كه‌ی مه‌ددێكی طبیعي تێدایه‌ ته‌نها دوو جووڵه‌یه‌ نابێت له‌وه‌ زیاد بكرێت..بێگومان لامه‌كه‌شی فه‌تحه‌ی له‌سه‌ره‌ هه‌ر به‌و شێوه‌ ده‌یخوێنینه‌وه‌ ،دوای ئه‌وه‌ ڕه‌چاوی ئه‌وه‌ ده‌كه‌ین كه‌ یائه‌كه‌ مه‌ددێكی طبیعی تێدایه‌ 2 جووڵه‌یه‌ له‌به‌ر ئه‌وه‌ی كه‌وتووه‌ته‌ كۆتایی وشه‌كه‌ ئه‌ویش وه‌كو حاڵه‌ته‌كانی پێشوو ده‌كرێت تاكو شه‌شه‌ حه‌ره‌كه‌ درێژ بكرێته‌وه‌ ،سه‌باره‌ت به‌ پیتی نوونیش له‌ العالمین مینگه‌یه‌كی زۆر كورتی تێدایه‌ پێی ده‌وترێت (غنة أنقص ماتكون) بۆ ئه‌وه‌ی ببیسترێت و قووت نه‌درێت ، ئه‌گینا ئه‌گه‌ر ئه‌و مینگه‌یه‌ نه‌بێت كه‌ خۆی له‌ بنچینه‌دا سیفه‌تێكی وابه‌سته‌ی نوون ومیمه‌ به‌م شێوه‌ ده‌چێته‌گوێی بیسه‌ردا: العالمی...واته‌: نونه‌كه‌ی . نابیسترێت. 6- الرحمن الرحیم: حوكمه‌كانیمان باس كرد له‌ گه‌ڵ بسم الرحمن الرحیم له‌ بابه‌تی البسملة والحمد لله رب العالمین. إحسان برهان الدین مۆڵه‌ت پێدراو له‌ قیرائاتی عه‌شره‌ 2015-10-19 سلێمانی

ئه‌ڵقه‌ی دووه‌م : البسملة وشه‌ی البسمله‌ له‌ ڕێزمانی عه‌ره‌بیدا (نحت)ی پێده‌وترێت ،واته‌: داتاشینی وشه‌یه‌ك بۆ ئاماژه‌ كردن بۆ چه‌ند وشه‌یه‌ك ، لێره‌شدا به‌ واتای بسم الله الرحمن الرحیم دێت ، كه‌ یه‌كه‌م ئایه‌تی سوڕه‌تی فاتیحه‌یه‌ ، هه‌ندێجیاوازیش له‌و باره‌وه‌ هه‌یه‌ كه‌ ئایا ئایه‌تیكه‌ له‌و سوره‌ته‌ یان نا ، به‌ڵام هه‌موو پێشه‌وایانی قیرائات یه‌كده‌نگن له‌سه‌ر ئه‌وه‌یه‌ پێویسته‌ له‌ سه‌ره‌تای هه‌موو سووره‌ته‌كانی قورئان بخوێنرێت ، جگه‌ له‌ سوره‌تی (براءة ) نه‌بێت ، وه‌كو پێشه‌وا الشاطبيفه‌رموویه‌تی: مهما تصلها أو بدأت براءة***لتنزيلها بالسيف لست مبسملاً ولابد منها في ابتدائك سورة***سواها وفي الأجزاء خُيِّـر من تلا هه‌روه‌ها گومان نییه‌ له‌وه‌یش كه‌ ئایه‌تیكه‌ له‌ سوره‌تی (النمل)... له‌وشه‌ی (بسم) پێویسته‌ ره‌چاوی ده‌ربڕینی كه‌سره‌ی بائه‌كه‌ بكه‌ین و، اختلاس نه‌كرێت ، هاوكات درێژیش نه‌كریته‌وه‌ وه‌كو پیتی (ي) چونكه‌ هه‌موو كه‌سره‌یه‌ك درێژبكرێته‌وه‌ ده‌بێته‌ (ي) و هه‌موو یائێكیش كورت بكرێته‌وه‌ ده‌بێته‌ كه‌سره‌. ئینجا پێویسته‌ سیفه‌تی الصفیر له‌ پیتی سین ده‌ربڕین و ده‌نگێكی تیژه‌ هه‌ندێ له‌ زانایان فه‌رموویانه‌ ده‌نگێكه‌ وه‌كو ده‌نگی كولله‌ وایه‌. 1- (الله) وشه‌ی مه‌زنی الله به‌ ناسكی ده‌ری ده‌بڕین له‌به‌ر ئه‌وه‌ی پیتی پێش خۆی كه‌سره‌ی هه‌یه‌ ئه‌مه‌ش بنه‌مایه‌كی نه‌گۆڕه‌ زشه‌ی الله ئه‌گه‌ر پێش خۆی كه‌سره‌ بێت پیویسته‌ به‌ ترقیق بخوێنریته‌وه‌ نه‌ك به‌ تفخیم. وشه‌ی (الله) كه‌ ده‌یگه‌یه‌نینه‌ وشه‌ی (الرحمن) وه‌كو ئه‌وه‌ی یه‌ك وشه‌ بن ده‌یانخوێنینه‌وه‌ به‌م شێوه‌:( ..اللهرحمن ) چونكه‌ ئه‌لیف و لامی الرحمن شه‌مسیه‌و ناخوێنرێته‌وه‌..ئینجا وریای نه‌خوێندنه‌وه‌ی پیتی (ه) ده‌بین له‌ وشه‌ی مه‌زنی (الله) زۆر له‌ خوێنه‌ران ئه‌و هائه‌ هه‌ر ناخوێننه‌وه‌ ، ، یان به‌ پیتی یا ده‌یخوێننه‌وه‌ ،وه‌كو ئه‌وه‌ی بڵێن: (بسم لای رحمن..)، بۆیه‌ خوێنه‌ر زۆر پێویسته‌ ئه‌و هائه‌ ده‌ربڕێت و نه‌یكاته‌ پیتی یا یان هه‌ر پیتێكی تر. وشه‌ی الله مه‌ددێكی طبیعي تێدایه‌ نابێت له‌ دوو جووڵه‌ درێژتربكرێته‌وه‌ ، به‌ڵام ئه‌گه‌ر له‌سه‌ری وه‌ستاین ئه‌وكاته‌ ده‌توانین به‌ 2 یان به‌ 4 یان 6 جووڵه‌ له‌سه‌ری بوه‌ستین.هه‌روه‌ها خوینه‌ران هه‌ڵه‌یه‌كی تری تێدا ده‌كه‌ن ئه‌ویش ئه‌وه‌یه‌ (مط) ی لامه‌كه‌ی ده‌كه‌ن واته‌ زیاد له‌سه‌ر ده‌وه‌ستن و كێشی پیته‌كه‌ ده‌هێننه‌وه‌ 2- (الرحمن): ئه‌لیف و لامه‌كه‌ی سه‌ره‌تا شه‌مسیه‌و تێهه‌ڵكێش ده‌كرێت له‌ گه‌ڵ دوای خۆیدا ، بۆیه‌ به‌م شێوه‌ ده‌خوێنرێته‌وه‌:(أرحمن) له‌م حاڵه‌ته‌شدا زۆر وریای دووباره‌ بوونه‌وه‌ی پیتی ڕا ده‌بین و نابێت ته‌كراری تێدا درووست بێت و ببێته‌ : (الررررحمن) ئه‌وه‌ هه‌ڵه‌یه‌ ه، به‌ڵكو یه‌كجار سه‌ره‌تای زمانت كه‌ دای له‌ مه‌خره‌جی پیته‌كه‌ له‌ مه‌ڵاشوو ئیتر نابێت له‌و جاره‌ زیاتر بجووڵێته‌وه‌ بۆ ئه‌وه‌ی ته‌كرار نه‌بێت. پیتی (ح) سه‌ره‌تا وریا ئه‌بین وه‌كو قه‌لقه‌له‌ نه‌یخوێنینه‌وه‌ ، ئینجا پێویسته‌ به‌ هه‌مس ده‌ریبڕین ، له‌ كاتی ده‌ربڕینیدا هه‌وا دێت و ده‌ڕوا ، سیفه‌تی هه‌مس پێچه‌وانه‌ی سیفه‌تی جه‌هره‌و وه‌كو چۆن به‌ چپه‌ قسه‌بكه‌یت ده‌نگ به‌رز نه‌كه‌یته‌وه‌ ئاوها ئه‌و پیته‌ به‌ هێواشی ده‌ده‌چێت..ه‌شی (الرحمن) مه‌ددێكی طبیعی تێدایه‌ و نابێت له‌ دوو جووڵه‌ زیاتر درێژبكرێته‌وه‌ ،مه‌گه‌ر له‌ حاڵه‌تی ڕاوه‌ستان له‌سه‌ری ئه‌و كاته‌ ده‌توانی تاكو شه‌ش حه‌ره‌كه‌ له‌سه‌ری بوه‌ستیت. 3- له‌ كاتی پێكگه‌یاندنی وشه‌ی (الرحمن) به‌ (الرحیم) له‌به‌ر ئه‌وه‌ی ئه‌لیف و لامی الرحیم شه‌مسیه‌ وناخوێنرێته‌وه‌ وهه‌مزه‌كه‌ هه‌مزه‌ی وه‌سڵه‌ ، بۆیه‌ وه‌كو یه‌ك وشه‌ ده‌خوینرێته‌وه‌ به‌م شێوه‌:(الرحمانرحیم) به‌ڵام وریای ده‌ربڕینی شه‌دده‌ی ڕائه‌ كه‌ ئه‌بین بێ ئه‌وه‌ی ته‌كرار بێته‌وه‌. 4- پیتی (ر) له‌ هه‌ردوو وشه‌ی الرحمن الرحیم له‌به‌ر ئه‌وه‌یه‌ فه‌تحه‌ی هه‌یه‌ كه‌واته‌ قه‌ڵه‌و ده‌خوێنرێته‌وه‌و مفحم ی ده‌كه‌ین..به‌ڵام به‌ بێ تكرار ودووباره‌كردنه‌وه‌ی پیتی ڕا به‌ شێوازێك چه‌ندین ڕا ده‌ربكه‌ین له‌ یه‌ك كاتدا. 5- زۆر له‌ خوێنه‌ران هه‌ڵه‌یه‌كی تر هه‌یه‌ له‌ كۆتایی وشه‌كانی الرحمن ، الرحیم..تا كۆتایی فاتیحه‌ له‌ مه‌دده‌كان ده‌یكه‌ن ئه‌ویش بریتیه‌ له‌ ده‌ربڕینی یائه‌كه‌ له‌ گه‌ڵ مینگه‌دا ، یائی الرحیم بۆ نموونه‌ له‌ لووتیه‌وه‌ ده‌رده‌كات ئه‌وه‌ش هه‌ڵه‌یه‌ چونكه‌ ئه‌و پیته‌ په‌یوه‌ندییه‌كی به‌ لووته‌وه‌ نییه‌. إحسان برهان الدین مۆڵه‌ت پێدراو له‌ قیرائاتی عه‌شره‌ 2015-10-18 سلێمانی

ئه‌ڵقه‌ی یه‌كه‌م: الإستعاذة بێگومان سوڕه‌تی فاتیحه‌ یه‌كێكه‌ له‌ مه‌زنترین سوره‌ته‌كانی قورئانی پیرۆز ، هه‌موو موسوڵمانێك ڕۆژانه‌ ته‌نها له‌ نوێژه‌ فه‌رزه‌كاندا حه‌ڤده‌ جار ده‌یخوێنێته‌وه‌ ، جگه‌ له‌ نوێژه‌ سوننه‌ته‌كان و له‌ حاڵه‌تی تردا ، بۆیه‌ زۆر گرنگه‌ هه‌موو موسوڵمانێك به‌ جوانی و به‌ پێی بنه‌ماكانی جوانخوێندنه‌وه‌ی قورئانی پیرۆز بیخوێنێته‌وه‌ ، هه‌وڵ ئه‌ده‌م هه‌ر جارێك باس له‌ حوكمه‌كانی یه‌ك ئایه‌ت له‌ ئایه‌ته‌كانی ئه‌و سوره‌ته‌ مه‌زنه‌ بكه‌م ، ئه‌گه‌ریش ئێوه‌ی به‌ڕێز به‌ پێوێستتان زانی ئه‌وا هه‌مان ئه‌م بابه‌تانه‌ بۆ تۆماری ده‌نگیش - إن شاء الله - بڵاوده‌كه‌مه‌وه‌. جا سه‌ره‌تا با له‌ (الإستعاذة) ده‌ست پێبكه‌ین و به‌ پشتیوانی خوای گه‌وره‌ ده‌ڵێین: (الإستعاذة) واته‌: وتنی أعوذ بالله من الشیطان الرجیم ، ئه‌م شێوازه‌ شیوازی هه‌ڵبژاره‌یه‌ له‌ لای زانایان چونكه‌ چه‌ندین شێوازی تری هه‌یه‌ موسوڵمان ده‌توانێت به‌كاری بهێنێت ، وه‌كو: أعوذ بالله السمیع العلیم من الشیطان الرجیم و شێوازی تر. واتاكه‌ی بریتیه‌ له‌: په‌نا ده‌گرمه‌ خوای گه‌وره‌ له‌ شه‌یتانی ده‌ركراو له‌ ڕه‌حمه‌تی خوا ، وتنی واجب نییه‌ و موسته‌حه‌ببه‌ له‌ سه‌ر بۆچوونی په‌سه‌ند. له‌ كاتی ده‌ربڕینی (الاستعاذة) پێویسته‌ خوینه‌ر وریای ئه‌م چه‌ند خاڵه‌ی خواره‌وه‌ بێت: 1- هه‌مزه‌ی وشه‌ی (أعوذ) گه‌وره‌ نه‌كاته‌وه‌ و سیفه‌تی استفال ی نه‌گۆڕێت بۆ استعلاء. 2- وریا بێت هه‌مزه‌و پیتی (ع) له‌ وشه‌ی (أعوذ) تیكه‌ڵ نه‌كات و ببێته‌ ععوذ.. 3- پیتی (واو) له‌ (أعوذ) پیتێكی مه‌ددیه‌ واته‌: پێویسته‌ دوو جووڵه‌ی پێبده‌یت ، یان وه‌كو زانایان فه‌رموویانه‌ ئه‌وه‌نده‌ی ئه‌لیفێكی مه‌ددی درێژی بكه‌یته‌وه‌. 4- پێویسته‌ خوینه‌ر وریای ئه‌وه‌بێت پیتی (ذ) له‌ هه‌مان وشه‌ نه‌گۆڕێت بۆ پیتی (ز)چونكه‌ ده‌بێته‌ (أعوز) یان جاری وا هه‌یه‌ ده‌كرێته‌ (أعوظ) ئه‌وه‌ش هه‌ڵه‌ی جه‌لی پێ ده‌وترێت و حه‌رامه‌. 5- له‌سه‌ره‌تای وشه‌ی دووه‌م (بالله) خوێنه‌ر پێویسته‌ وریای اختلاس نه‌كردنی كه‌سره‌ی بائه‌كه‌ بێت و به‌ جوانی ده‌ری بخات بێ ئه‌وه‌ی بیكاته‌ پیتی (ي). 6- له‌ پیتی لام له‌ وشه‌ی مه‌زنی (بالله) وریای هه‌ڵه‌یه‌ك ببێت كه‌ زانایان به‌ (مط) ناویان بردووه‌ واته‌ درێژكردنه‌وه‌ یان كێش هێنانه‌وه‌ نابێت له‌سه‌ر ئه‌و لامه‌ زۆر بوه‌ستی. 7- له‌ ده‌ربڕینی پیتی (ه) له‌ هه‌مان وشه‌ دیسان وریای اختلاس نه‌كردن ئه‌بیت و پێویسته‌ كه‌سره‌كه‌ به‌ جوانی ده‌ربڕیت. 8- له‌ پیتی (ن) ی (من) یه‌كسه‌ر ده‌چیته‌ سه‌ر خوێندنه‌وه‌ی وشه‌ی (الشیطان) واته‌ به‌م شێوه‌یه‌: (منشیطان) چونكه‌ هه‌مزه‌كه‌ هه‌مزه‌ی وه‌صڵه‌و ناخویندرێته‌وه‌. 9- پیتی (ش) له‌ وشه‌ی (الشیطان) نابێت قه‌ڵه‌و بكرێته‌وه‌ به‌ هۆی پیتی (ط) كه‌ پیتیكی به‌رزه‌. 10- پیتی (ط) پیتێكی به‌رزه‌ (مستعلي)ه وریا ئه‌بین وه‌كو (ت) نه‌یخوینینه‌وه‌ چونكه‌ ده‌بێته‌(الشیتان) ئه‌وه‌ش جائیز نییه‌ و حه‌رامه‌. 11- پیتی ئه‌لیفی دوای پیتی(ط) له‌ وشه‌ی (الشیطان) مه‌ددێكی طبیعي یه‌ و نابێت نه‌ له‌ دوو جووڵه‌ درێژتر نه‌بێت نه‌ كورتتر.هه‌روه‌ها پیتی (ش) شه‌دده‌داره‌ و سیفه‌تی التفشي تێدایه‌وه‌ پێویسته‌ به‌ جوانی ده‌ریببڕین و كه‌مێك له‌سه‌ر بوه‌ستین: ششش. 12- كۆتا پیتیش له‌ (الاستعاذه‌) پێویسته‌ به‌ شیوه‌یه‌ك بخوێنرێته‌وه‌ مینگه‌كه‌ی بیستراو بێت ئه‌گینا گوێگر به‌م شێوه‌ ده‌یبیسێت: الشیطا. 13- هه‌روه‌ها له‌ كاتی پێكگه‌یاندنی هه‌ردوو وشه‌ی الشیطان و الرجیم ، به‌م شێوه‌ ده‌خوێنررێته‌وه‌: الشیطانرجیم وه‌كو ئه‌وه‌ی یه‌ك بێت ، له‌وه‌ش وریای ده‌ربڕینی كه‌سره‌ی نوونه‌كه‌و شه‌دده‌ی ڕائه‌كه‌ ئه‌بین به‌ جوانی ده‌ریبڕین. ئه‌مه‌و بڕگه‌ی أعوذ بالله من الشیطان الرجیم به‌شێك نییه‌ له‌سوره‌تی فاتیحه‌ نییه‌ ، به‌ڵام له‌به‌ر ئه‌وه‌ی له‌سه‌ره‌تای هه‌موو سوڕه‌ته‌كانی قورئانه‌وه‌ سووننه‌ته‌ بخوێنرێت بۆیه‌ باسم كرد ، له‌ بابه‌تی داهاتوو باسی حوكمه‌كانی به‌سمه‌له‌ ده‌كه‌ین ان شاء الله. إحسان برهان الدین مۆڵه‌ت پێدراو له‌ قیرائاتی عه‌شره‌ 2015-10-18 سلێمانی