#زنجیرەی_نوێژەكانمان:3 دوو تێبینی گرنگ دەربارەی تەكبیراتی ناو نوێژ تەكبیراتی ناو نوێژ دەكرێت لە زۆر ڕووەوە باس بكرێت، بەڵام لێرەدا بە كورتی و لە ڕۆشنایی قسەی زانایانەوە دوو تێبینی دەربارەی باس دەكەم: یەكەم: دەست بەرز كردنەوە بە شێوەیەكی گشتی لەناو نوێژدا لە چوار جێگەدا هەیە: 1- لە كاتی دەست پێكردنی نوێژدا (تكبیرة الإحرام). 2- لە كاتی چوون بۆ ركوع. 3- لە كاتی هەڵسانەوە لە ڕكوع. 4- لە كاتی هەڵسانەوە بۆ ڕكاتی سێیەم لەو نوێژانەی كە لە دوو ڕكات زیاترن ، دەست بەرزكردنەوەكەش لەم حاڵەتەدا لە كاتی ڕاوەستاندا دەبێت نەك یەكسەر لەو كاتەی كە لە التشهد ی یەكەم هەڵدەسیتەوە هەر بەدانیشتنەوە دەست بەرز بكەیتەوە. دووەم: پێویستە تەكبیرەكان لە درێژایی ماوەی نێوان دو كرداری نوێژەكەدا بن! بۆ نموونە: كە لە ڕاوەستانەوە دەچیت بۆ ڕكوع و دەڵێیت الله أكبر بەردەوام دەبێت لە وتنی تەكبیرەكە تا كاتی ڕكوع! نەك بڵێی الله أكبر و تۆ هێشتا ڕاوەستاویت! یان بگەیتە ركوع و ئینجا بڵێیت الله أكیر و ئیتر بەو شێوە