#وەڵامی_پرسیارەكانتان: پرسیار 7 مامۆستا جگە لە تەراویح نوێژی سونەتی تر دروستە بەجەماعەت بکرێت؟ الحمد لله/ لە فەرموودەی سەحیحدا بەڵگە هاتووە كە پێغەمبەر صلی الله علیه و سلم هەندێ جار نوێژی نافیلەی بە جەماعەت كردووە. بۆیە زانایان فەرموویانە ئەگەر جاروبار موسولمان نوێژە سوننەتەكان بە جەماعەت بكات درووستە. بەڵام هەندێ نوێژی نافیلە واتە سوننەتە و فەرزیش نییە لەگەل ئەوەشدا بەجەماعەت كراوە بە زۆری، وەكو نوێژی تەراویح و نوێژی مانگ گیران ( صلاة الخسوف) و نوێژە بارانە ( صلاة الإستسقاء). بە كورتی وەكو ابن تیمیة فەرموویەتی: نوێژی تطوع دوو جۆرە: جۆرێكیان سونەت وایە بە جەماعەت بكرێت وەكو صلاة (الكسوف والاستسقاء وقيام رمضان) ، هەندێكیشی وەكو نوێژی سوننەتی دوای فەرزەكان و شەو نوێژ و تحیة المسجد لە چەند حاڵەتێكی دیاریكراو و كەم نەبێت جێگیر نەبووە كە بە جەماعەت كرابێت. والله أعلم. إحسان برهان الدین 3/ رمضان / 1441 25 / 4 / 2020