فێربوونی دوو زانست دوامەخە!

فێربوونی زانستی عەقیدە هیچ نەبێت بابەتە سەرەكی و پێویستەكانی و، هەروەها زانستی (فقه) و شارەزا بوون لە حەڵاڵ و حەرام و سنوورەكانی شەریعەت، نابێت كەمتەرخەمی تێدا بكرێت و دوابخرێت، بەڵكو پێویستە بە زووترین كات موسوڵمان دەست بە فێربوونیان بكات، چونكە لە هەموو كاتێكی ژیانیدا و تا دوا هەناسەی لە دونیادا زۆر پێویستی پێیانە.

بە نەزانینی یەكەمیان تووشی لادانی مەنهەجی وبیدعە وگومڕا بوون و ڕەنگە هەندێ جار تووشی لەوانە خراپتریش ببێت، بێ ئەوەی بە خۆی بزانێت.

بە نەزانینی دووەمیشیان تووشی موخالەفەو سەرپێچی شەرعی دەبێت و دەكەوێتە ناو حەرام و قەدەغەكراوەكانەوە و عیبادەت و چاكەكانیشی بە شێوەیەكی هەڵەو نادروست ئەنجام دەدات.

لە ڕاستیدا هەر جۆرە جەهلێك لەو دوو زانستەدا – بە پێی زۆرو كەمییەكەی – بە زیانی خاوەنەكەی دەگەڕێتەوە.

إحسان برهان الدین

15 ذو الحجة 1443