ماڵپەڕی فەرمی مامۆستا احسان برھان الدین
پێوه‌ره‌كانم بۆ وه‌رگرتنی هاوڕێ له فه‌یسبوك
له‌و كاته‌وه حیسابم له فه‌یسبوك كردووه‌ته‌وه تاكو ئێستا كه ژماره‌ی هاوڕێكانم خه‌ریكه ده‌گه‌نه ئه‌و سنووره‌ی ئیداره‌ی ئه‌م تۆڕه دیاریان كردووه ، بۆ وه‌رگرتنی هاوڕێ چه‌ند خاڵێك ڕه‌چاو ده‌كه‌م ، له‌وانه:
– گوزه‌ریك ده‌كه‌م به ناو ئه‌كاونتی ئه‌و كه‌سه و ته‌ماشای بابه‌ته‌كانی ده‌كه‌م دژایه‌تی ئیسلامی تێدا بێت یان گومان بڵاوبكاته‌وه له سه‌ر ئیسلام و سوننه‌ت و مێژوو.. هاوڕێتیه‌كه‌ی ره‌تده‌كه‌مه‌وه چونكه به بۆنه‌ی منه‌وه خه‌ڵكانێكی تر ئه‌و بابه‌تانه ده‌بینن.
– هه‌روه‌ها ئه‌گه‌ر ئه‌و كه‌سه وینه‌ی ئافره‌تی بڵاوكردبێته‌وه به جلی ناشه‌رعی ، یان گرته‌ی ڤیدیۆی بڵاوكردبێته‌وه بان شه‌یری كردبێت نه‌شیاو بێت به شێوه‌یه‌ك له شێوه‌كان، با به‌ناو پێكه‌نین و كامیره‌ی شاراوه‌و به‌هانه‌ی له‌و شێوه‌ش بێت هه‌ر ره‌تیده‌كه‌مه‌وه بۆ ئه‌وه‌ی نه‌بمه هاوكار بۆ بڵاوبوونه‌وه‌ی شتی ناشه‌رعی.
– ئه‌گه‌ر ناوه‌كه خوازراو بێت و شتیكی له ئه‌كاوه‌نته‌كه‌یدا دانه‌نابێت لێی حاڵی بم وبزانم چییه‌و چی نییه به هه‌مان شیوه ڕاده‌وه‌ستم و په‌له ناكه‌م له وه‌رگرتنی.
– ئه‌گه‌ر به ئاسانی ئه‌وه‌ی پێوه تێبینی بكرێت كه له دینداریدا زۆر توند و ڕه‌ق بێت و وا بزانێ ئه‌م ئیسلامه ره‌حمه‌ت و لێبورده‌یی و نه‌رمی تێدا نییه ، یان زۆر شل و متساهل و مائع بێت ، بۆ ئه‌وه‌ی له‌سه‌ر كه‌سیان نه‌ژمێردرێم له كاتێكدا من ته‌نها نوێنه‌رایه‌تی خۆم و تیگه‌یشتنی خۆم ئه‌كه‌م بۆ دین به تێگه‌یشتنی سه‌له‌ف به سپۆنسه‌ری كتێبخانه‌كه‌ی خۆم!
– ئینجاه پێوه‌رێكی تر كه ڕه‌چاوی ده‌كه‌م ئه‌وه‌یه ته‌ماشای هاوڕێكانی ئه‌و كه‌سه ئه‌كه‌م ، جۆری هاوڕێكانی كاریگه‌ری ڕاسته‌وخۆی هه‌یه له ڕووی وه‌رگرتن و وه‌رنه‌گرتنی به پیی باش و خراپی ئه‌وان. به هه‌مان شیوه حه‌ز له هاوڕێتی ئه‌وانه‌ش ناكه‌م چونكه به ده‌ر نین له إفراط وتفریط ، یان توندڕه‌وی و جورئه‌ت له‌سه‌ر پۆلێن كردنی خه‌ڵكی و ده‌ركردنیان له دین و،یان له لایه‌كی تره‌وه شلڕه‌وی و میوعه‌ت و بێ هه‌ڵوێستی له‌سه‌ر دینی خوا و بانگه‌شه كردن بۆ كاڵكردنه‌وه‌ی واتای دینداری و سوننه‌ت و مه‌نهه‌ج له لای موسه‌ڵمانان..له‌سه‌ر ئه‌م بنه‌مایانه‌و چه‌ند بنه‌مایه‌كی تری هاوشێوه ، ئه‌گه‌ر پێچه‌وانه‌م بۆ ده‌ركه‌وێت له هاوڕێكانمدا ده‌ستكاریان ده‌كه‌م ، له گه‌ل تێبینی ئه‌وه‌ش فه‌یسبوك ئه‌گه‌رچی بۆ منی له سه‌دا سه‌د بێ لایه‌ن و دوور له ئه‌حزابی ئیسلامی ونا ئیسلامی و ته‌نانه‌ت ڕێكخراوه‌كانیش – جگه له ڕێكخراو‌ی ابن الجزري كه خۆم به‌ڕێوه‌به‌ریم و ته‌نها خه‌ریكی قیرائاتی قورئانین – له فه‌یسبوك كه‌ناڵێكی باشترم نییه دوو قسه‌ی خێری تێدا بكه‌م ، یان هه‌واڵی خۆم به ئازیزانم بگه‌یه‌نم و منیش هه‌واڵی ئه‌وان بزانم ، یان له داهاتوودا به ده‌نگ و ڕه‌نگ ئه‌گه‌ر بتوانم وانه‌و واتای مه‌نهه‌جی بڵاو بكه‌مه‌وه ، هاوكات له هه‌ر كاتێكدا زۆر ئاساییه به‌لامه‌وه خواحافیزی یه‌كجاری لێ بكه‌م ئه‌و خێره‌ش له خوا داوابكه‌م ، به‌ڵام تا ئه‌وه‌نده‌ی ما بێتم له‌م تۆڕه زۆر خۆشحاڵم به هاوڕێتی ئه‌و براو مامۆستا و هاوڕێ و قوتابییه خۆشه‌ویستانه‌م كه ئه‌م ده‌رفه‌ته كۆمان ده‌كاته‌وه پێكه‌وه به پێی توانا خزمه‌تێكی ئایین و خه‌ڵك و ڵاتی پێ بكه‌ین.
إحسان برهان
2016-8-29 سلێمانی
