الخميس , مارس 23 2023

مه‌خابن…

له‌م هه‌رێمه‌دا پیرۆزییه‌كانی ئیسلام هه‌میشه‌ و به‌ به‌رده‌وامی ڕوبه‌ڕوی په‌لامار وهێرش ده‌بنه‌وه‌ ،ماوه‌ی جارێك به‌ نووسین و كۆڕ و سیمینار ، له‌ ته‌له‌فیزیۆن و ڕۆژنامه‌و گۆڤاره‌كاندا ، به‌ڵكو له‌ پارك و شوێنه‌ گشتییه‌كان و له‌ ناو گۆڕه‌پانی زانكۆكاندا ، له‌ ژێر دروشمی لاستیكی ئازادی تاكه‌ كه‌سی و دیموكراسیدا ، هێڵێكی سوور نه‌ماوه‌ له‌ ئیسلامدا نه‌به‌زێنرێ ، خوای گه‌وره‌و وپێغه‌مبه‌ر صلی الله وعلیه وسلم و قورئان و شه‌ریعه‌ت، له‌به‌رانبه‌ریشدا ئه‌وانه‌ی گوایه‌ وه‌ڵامیان ده‌ده‌نه‌وه‌ وبه‌رگری له‌ ئیسلام ده‌كه‌ن ، ئه‌وه‌نده‌ به‌ شه‌رمنانه‌ و ڕێزی بێ تامه‌وه‌ وه‌ڵامیان ده‌ده‌نه‌وه‌ ڕێك وه‌كو ده‌ستخۆشی و هاندان له‌لای ئه‌وانه‌وه‌ لێكده‌درێته‌وه‌ ، ئه‌م سیسته‌مه‌ ناله‌باره‌ش ته‌نها جێگای سوكایه‌تی كردنی به‌ ئیسلام تێدا ده‌بێته‌وه‌ ، نه‌ك له‌ به‌رانبه‌ریشدا سوكایه‌تیكردن به‌ ئایینی خه‌ڵكی تێدا قه‌ده‌غه‌ بكریت، یان هیچ نه‌بێت سنووردار بكریت ، ، خوایه‌ گیان مه‌گه‌ر به‌ مه‌زه‌نی وبه‌زه‌یی خۆت به‌رگری له‌ ئایینه‌كه‌ت بكه‌یت، ئه‌گینا ئه‌مانه‌ی له‌ كوردستان ناوی زلیان له‌ خۆیان ناوه‌ گوایه‌ به‌رگری له‌ دینه‌كه‌ی تۆ ده‌كه‌ن سوێند به‌ زاتی مه‌زنت ئاماده‌ نین به‌ هیچ شێوه‌یه‌ك بارودۆخی خۆشی خۆیان تێك بده‌ن به‌زیزكردنی ناحه‌زانی ئیسلام نه‌ك له‌سه‌ر ئاستی ده‌سه‌ڵات و سیاسه‌تمه‌داراندا، به‌ڵكو دڵیان نایه‌ت ئه‌و ڕاگه‌یاندنكارانه‌ش له‌ خۆیان زویر بكه‌ن كه‌ به‌ بێ هیچ په‌رده‌یه‌ك سوكایه‌تی به‌ ئیسلام ده‌كه‌ن ، ئه‌وه‌نده‌ش په‌یوه‌ندی تۆكمه‌و برایانه‌و و بازرگانی وته‌نانه‌ت ژن و ژنخوازیش له‌ نێوان ئه‌وان سه‌رجه‌م ناحه‌زانی ئیسلام دروست بووه‌ هه‌ر له‌ ڕویان نایه‌ت له‌ گوڵێك كاڵتریان پێ بڵێن له‌ گه‌رمه‌ی ئه‌و ساتانه‌ی جنێو وتۆمه‌تبارانی پیرۆزییه‌كانی ئیسلام ده‌كه‌ن، ئه‌مه‌ له‌ كاتێكدا – وه‌كو وتمان- ئیسلام ئایینی فه‌رمی زۆرینه‌ی ڕه‌های خه‌ڵكی كوردستانه‌ وده‌بوو به‌ یاسا سوكایه‌تی پێكردنی قه‌ده‌غه‌ بوایه‌.

إحسان برهان الدین

8-5-2015 سلێمانی

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *